წალამი: ვაზის განასხლავი რქები.
წარაფი: ადგილი გურჯაანის რაიონის, სოფელ კარდანახში, სადაც დგება ამავე დასახელების განთქმული თეთრი კახური ღვინო.
წაფი: თიხის დიდი ზომის ჯამი. ღვინის სასმისი.
წაფურა: თიხის მოზრდილი ჯამი. წაფზე მცირე ზომის სასმისი.
წბელი: იგივეა, რაც ნაქაჯი და წბერი.
წბერი: საწნახელიდან ან ქვევრიდან ამოღებული ჭაჭის საბოლოოდ გამოსაწნეხი მოწყობილობა. ერთგვარი წნეხია ჭაჭისა. შეედრება საქაჯავი.
წბერის ძირი: ყურძნის ჭაჭის გამოსაწნეხის ძირი, რომელიც დამზადებულია ერთიანი ქვისაგან ან ერთიანი ხისაგან. შეედრება საქაჯავის ძირი.
წედა: ღვინის სასმელი ჭურჭელი.
წიდა ვაზი: ვაზის გადაწვენით, გადაწიდნვით მიღებული ახალი ამონაყარი. შეედრება გადაწიდნვა ვაზისა.
წინანდალი: სოფელი თელავის რაიონში, მევენახეობის მიკროზონა, სადაც რქაწითელისა და კახური მწვანის ვაზის ჯიშებისაგან ყენდება, თეთრი მშრალი ღვინო “წინანდალი”.
წიპწა: ყურძნის მარცვლის კურკა. მარცვალში გვხვდება წიპწების ერთი, ორი და იშვიათად უფრო მეტი რაოდენობაც. არსებობს ვაზის უწიპწო ჯიშებიც.
წიპწობა: ყურძნის დაწურვის დრო.
წუმი: ყურძნის მტევანი.
წყალღვინო: ღვინიანი, ღვინონარევი წყალი; ახლადგამოწნეხილ ჭაჭაზე წყლის დასხმით და ამგვარად დადუღებით მიღებული სასმელი.
